TSV Steinhaldenfeld - 2020 | Vereinsnachrichten Nr. 67

36 Von der Couch an den Start –Wir bringen Menschen in Bewegung DNA Dia Neie Alde Noach onserm Motto: jeden Moned mached mr oi Aktio, hand mr des em Joahr 2019 au, bis uff da Februar, durezoga. Em Januar send mr beim SWR gsei. Des war en supr entressanta Bsuach. Fir eis send jetzt dr Michael Saunders, dr Jürgen Hörig, dr Mi- chael Matting ond dia Annette Krause koine Obekannte meh! Em Februar hand m’r eis selbr ibrtroffa, weil mr glei zwoi Vrastaltonga gmacht hand: zom oina send mr en da Hochflurbesa zom„Glock“ ganga ond zom andra hand mr en Bad Cann- statt donda da Närrischa Wochamarkt an dr Weibrfasnet bsuacht, natürlichmit dr aschlie- ßenda Eikehr emVreinsheim. Em März war dr Werner Schüle vom Stadt- seniorarat do ond hoat ons em Nebazemmr vom Vreinsheim ibr Patientavrfügung ond Vorsorgevollmacht aufklärt. Em April wared mr em UFA-Palast em Traum- kino ond hand ons da Film„Green Book“ agu- cked. Do send viele noach x-Johr wiedr amol em Kino gsei ond, was fir Schwoaba it au no oentressant ischd, daß em Preis von 6 Euro au no en Kaffee ond a Stückle Kuacha denna war! Em Mai hand mr a Wandrong gmacht: “Vom Porsche zom Neckar“. Do hoat der am Hemml doba it so ganz mitgspielt – ‘s hoat halt emmr wiedr a bissle trepflet. Abr dene, wo mitgwandred send, hoat dees nix ausg- macht ond mit dem Schnäpsle so zwischa- duur hand mr eis au von enna no a bissle nassgmacht. DNA Do drfir wars em Juni bollamäßig hoiß, wo mr von Stoihaldafeld aus zom “Kuckuck“ noach Fellbach gloffa send. Abr do dussa hand mr a Schattaplätzle ghet ond hand eis des tolle Mittagessa schmecka lau. Auf em Rückweg send mr it ogschdroift duur Schmi- da komma – mir hand eis beim Mario no en leckera Eisbechr gönnt.