TSV Steinhaldenfeld - 2020 | Vereinsnachrichten Nr. 67

37 2020 | Vereinsnachrichten Nummer 67 DNA Em Juli send mr glei wiedr uff Wandrschaft ganga, desmol hand mr a Stückle von dr Lan- desgartaschau agwandred: mir send mit dr S-Bahn noach Endersbach gfahra, von do aus noach Winterbach gloffa ond hand dann em Schmieg‘s Radler-Besa a Eikehr gmacht. Em August hand mr da Sommerbesa vom Gerhard Glock aufgsuacht – er hoat fir eis dussa Platz gmacht! ‘S war a tolle Gemein- schaft, dia do drei Garnitura belegt hoat. Em September send mr nomoal noach Fellbach gloffa, desmol zua de Fellbacher Schnittrosen. Do hoat eis dr Chef von dem Gschäft ibr zwoi Stond lang älles ibr ond von de Rosa vrzehlt; was do so älles geit?! Obligatorisch em Oktobr ischt eisr Volks- feschtbsuach. Em Göckelesmaier send mr re- acht guad ghocked ond hand eis dia „Broilr“ schmecka lau. Em November hand m’rs mit Kegla em Vreins- heim probiert ond des war glei a pfondiga Sach. ‘S hoat älle riesig Spass gmacht, au dene, wo dia Kugla ällawei en dia Soichrenna gfalla send. Jo, ond em Dezembr hand mr – zom erschda Moal – a Weihnachtsfeir em Vreinsheim du- regführt. Des ischd so guad akomma, dass ma des wohl beibhalta muass. Fir’s Joahr 2020 ka i no schreiba, daß mr em Januar wiedr zom“Glock“ ganged, em Febru- ar wiedr da Närrischa Wochamarkt bsuached ond em März eisra Abteilongsvrsammlong abhaltet. Zom Abschluss mecht i mi ganz sakrisch be- danka: als erschtes bei meim Ausschuss, als zwoites bei dr Daniela fir ihre tolle Plakate, als drittes bei dr Gschäftsstell, als viertes bei dr Vorstandschaft ond als letztes, abr dees au ganz bsonders, bei älle, wo bei eisre Vranstal- tonga drbei gsei send, em Schnitt wared des 24 Persona! Absolut klasse! Wer jetzt Gschmack griagt hoat uff dia DNA, isch jedrzeit herzlichwillkomma –mir beißed it! Desjenige sodd so om de 60 sei ond drübr, a Vreinsmitglied sei odr abr dann wära ond Spaß en ra tolle Gemeinschaft hau. Eisre Vranstaltonga dua mr en de Schaukäs- ta am Vreinsheim ond am Stendle aushenka ond au auf dr Houmpeidsch (Homepage) vom TSV Steinhaldenfeld vröffentlicha. Bleibet xond Eir Freddy